聰明的小鳥

「小鳥依人」，應該係指小鳥會依傍着人，溫柔靦腆的。點解我屋企嘅小鳥不但不依傍人，仲要衰到時刻咬人？

我雙手傷痕纍纍，對我施暴的，就是全屋size最細的這隻「小鳥」，簡直世風日下！

一直都認為飛禽類，應該都不及動物聰明，殊不知，小小嘅腦袋都可以咁有智慧。日本研究人員研究發現，小鳥中以烏鴉的智商在動物中排行前十，鳥類中排行第一，腦容量與身體的比例為鳥類之最。其綜合智力大致與屋企養嘅狗智力水平相當，烏鴉的腦細胞結構比狗仲要複雜得多，在人類以外的動物界中，更具有獨到的能力，能使用甚至製造工具達到目的。

新西蘭科學家通過研究發現，烏鴉的智商超過七歲兒童，而狗狗也只是近乎五歲左右兒童而已。所以研究表明，鳥類腦袋雖小，但是「含金量」卻可以同靈長類動物相提並論--因為牠們大腦的神經元密度高。研究人員通過檢查28種鳥類大腦的細胞成分，發現鳴禽和鸚鵡的大腦中含有大量的神經元，神經元密度超過哺乳動物。結合行為學研究，這項成果令人了解神經元數量和密度，以及感覺、認知、運動等能力的因果關係，並更進一步理解神經元密度與信息處理能力的潛在聯繫機制。

我家小鳥品種係和尚鸚鵡（Monk Parrot），原來天性喜歡啃咬、領域性強，因此當主人伸手入籠，好多和尚鸚鵡會咬主人。我就係因為咁而犯血光之災，而家先知佢哋嘅習性，係自己攞嚟賤！

不過每逢我對住佢唱歌，就算係五音不全，佢都會跟着我嘅拍子伴唱跳舞，做我隻知音鳥。恨佢之後，佢又會做番啲嘢令我愛佢……佢絕對係一隻聰明鳥，而我就真的是投降了！

（本欄逢周四刊登）