美心中菜夥米芝蓮韓廚 推跨界新美食

要歎韓國菜唔一定要飛一轉韓國嘅，最近黛安同公關姊妹傾開偈，知道美心中菜特別邀得米芝蓮街頭小吃推介韓廚Una擔任客席主廚，夥拍擁有30年粵菜經驗嘅高級副行政總廚朱遠威師傅，推出「粵韓新食」，等韓食文化和粵菜來一次跨界新「煮」意！

今次系列主打家常和特色韓國菜餚，其中1款「甘苔鱈魚子蛋卷」，就用上Chef Una自家鑽研食譜，加入矜貴甘苔紫菜和微辣鱈魚子，香軟脆感構成絕妙對比。食韓菜點少得烤肉呢？黛安最期待嘅「韓式煎牛肋骨」和「秘製醬烤豬蹄」，前者以蘋果、菠蘿和梨打成果蓉再醃製，肉質鬆化兼香氣撲鼻；後者混入韓國招牌醬油和辣醬，集酸甜辣於一身，非常吸引。各位韓菜迷要快啲訂位試試啦！