篤下手機就做到千萬富翁？

早前有調查發現，本港千萬富翁人數創新高，更有超過46%是女性，而且當中的33%是家庭主婦。曉陽的同事就笑指，家庭主婦賺錢當然容易，因為現時科技發達，手機落盤簡單快捷，所以在家也可以輕鬆買賣股票，一來一回，分分鐘就做了千萬富翁。

用手機輕鬆買賣就能賺大錢？曉陽當然知道是笑話，但現時科技發達，投資買賣都非常方便，大家再無不投資的理由。而理財當然也不是篤兩下手機就可以，最重要是心態和耐性。同事Mabel經常問曉陽，能否畀幾個number，等佢一星期就可以賺到錢，買個手袋都好。投資不是投機，千祈唔好抱住一買必賺的心態，更何況點會有一買就升的號碼？如果有，股民早已發達，何來蟹貨？

Mabel想炒短綫，無非希望搵快錢，但萬一炒錯邊，分分鐘就賺錢不成變坐艇。因此就算要炒短綫，都要揀優質股，平保（02318）和友邦（01299）都是屬於強勢股，偶有回落都可以視為短綫入貨的機會，升幾個巴仙離場，的確會有小小收穫。但Mabel就問，唔少內房股上落波幅大，股息又高，賺唔到差價都可以收息，值得買嗎？收息一向是本倉的核心，但曉陽就不建議買內房，何解？下期續。

（本欄逢周四刊登）