乘世界夢號 一日暢遊大灣區

黛安聽公關姊妹講，雲頂郵輪集團旗下星夢郵輪嘅「世界夢號」，上個星期五（26號）喺廣州（南沙）郵輪母港，展開咗第一個大灣區郵輪航綫，有成千位旅客參加，由南沙出發到香港，感受一日遊！

姊妹講，隨住大灣區發展，雲頂郵輪特別推出「一日夢享•大灣郵」新產品，旅客可以揀喺每個星期五由廣州南沙出發，傍晚抵達香港，或者每個星期日，由香港出發傍晚抵達廣州南沙。聽講第一團旅客落船後，就去咗迪士尼、海洋公園、大嶼山等名勝遊覽啦。

雲頂郵輪集團總裁朱福明話，「一日夢享•大灣郵」可以畀旅客係較短嘅航程入面，盡情享受「世界夢號」世界級嘅餐飲、娛樂、休閒設施等，仲可以係旅程中，飽覽港珠澳大橋，非常超值。