【聲明】港生活網站並無進行電話推廣活動

查小欣
查小欣

葉德嫻快快鬧爆低頭族

發佈時間: 2019/05/15

葉德嫻今年初拍了一條宣傳短片鬧爆劣品乘客,在網上熱播,效果不錯。呼籲葉德嫻再拍一片,鬧爆無時無刻都只顧睇手機的低頭族,罔顧他們自己安全是自取,可是危及他人的安全就抵鬧。

趕路,在狹窄街頭,幾個低頭族龜速邊行邊睇手機擋住去路,此際安排葉德嫻入鏡質問︰「個世界你㗎?睇手機行埋一邊啦!唔好阻住其他人。」在人來人往的鬧市,一隻手拉拖篋,一隻手拿着手機看,然後葉德嫻入鏡教訓︰「拖住個篋又唔睇路,個篋好易撞到人,你過意得去嗎?」

在港鐵乘扶手電梯去月台,站前面的銀髮伯伯一直全神貫注咪手機,到了,他未察覺,幾乎失足跌倒,險生意外,葉德嫻入鏡跟伯伯說︰「香港特首、美國總統也沒忙到分秒要睇手機,跌親自己辛苦,又要麻煩屋企人照顧,下次進了車廂才睇吧。」

不停咪手機,不過是忙着睇無謂信息、捉比卡超、打遊戲機、煲劇、煲小說,都不是應邊行邊睇。

葉德嫻出名關注公德心,她是主角不二之選。

(本欄逢周一、三、五刊登)

撰文: 查小欣 娛樂教母
欄名: 娛樂酷辣辣