黎耀祥李克勤郵輪開騷

藝人在香港少曝光，不少觀眾都以為他們投閒置散，人氣跌了，收入少了，其實他們只是在幕前消失，忙着接job吸金，除了入內地拍劇、到外地登台，最快靚正是在短途的郵輪開演唱會，好像郵輪「世界夢號」的周末兩晚三日海上遊，周五黃昏香港上船出發，周日香港上岸，藝人在郵輪開騷，很度假feel，不用頻撲，悠閒自在。

黎耀祥近期在香港低調了，卻會在六月中在郵輪「世界夢號」開騷，於船上演繹他的拿手登台歌《紅蝴蝶》、《花心》、《義海豪情》等，在香港少有機會聽到他唱歌，他其實好唱得。六月尾，有李克勤接力，連續兩晚開騷，走唔甩要唱他的熱門歌曲《月半小夜曲》、《一生不變》、《一千零一夜》、《眷戀》、《護花使者》等，船上睇騷，免費入場，單單睇騷值回票價。

藝人上船做騷吸金，郵輪請有號召力藝人開騷吸客，船上又安排了不少其他節目娛賓，遊客可上船過過郵輪癮，有玩有食有免費騷睇，且粒粒皆星，周末一家大細均能盡興。

（本欄逢周一、三、五刊登）