東瀛遊暑假團 體驗8大主題之旅

暑假就到啦，又係一家人去旅行嘅時候。黛安聽公關姊妹講，EGL東瀛遊精心設計咗全新暑假系列旅行團，特設8大旅遊主題，例如「期間限定」、「尋味之旅」、「絕世好風景」等，總有一個啱你心意！

夏天係日本祭典旺季，東瀛遊推出嘅「海洋航行者號」關西10天團，就可以參加「日本三大祭」之一嘅京都祇園宵山前祭啦。如果想體驗日本鄉土風情，可以參加今年特別新增嘅沖繩、九州「Meet the Farmers」農夫體驗之旅，入住農家民宿，體驗有機蔬菜耕種、學習傳統工藝等，機會難得。

黛安覺得最特別嘅係「文化漫遊」旅行團，有機會喺「世界三大刀具產地」日本關市刀具博物館中認識製刀過程，親手製作小剪刀。每個團都咁吸引，快啲去報名啦！