信興中心辦星級名廚烹飪班 學煮正宗日式美食

唔少人平時都鍾意下廚煮嘢食慰勞自己，黛安當然唔例外喇！為咗令自己同家人朋友食得開心，都想提升下煮食技巧。依家機會又嚟喇，信興廚藝中心早前邀請到從事日本料理達35年嘅星級名廚、鮨海創辦人兼總廚趙仕焯師傅教班，齊齊學吓點整好食嘅日式天婦羅同豚肉生薑燒，名額有限，額滿即止呀！

黛安知道，佔地2,000呎嘅信興廚藝中心向來為大眾提供多款中西日韓美食烹飪班，仲有多位資深名廚坐鎮。下月1號仲會有個「日式大廚美食」班，請來曾經喺香港日航酒店、香港喜來登酒店日本餐廳任職行政總廚嘅鮨海創辦人兼總廚趙仕焯師傅嚟到，由淺入深咁教大家2款日本料理店好受歡迎嘅日式天婦羅同豚肉生薑燒！

唔講唔知，呢2個菜式睇落雖然簡單，但就一啲唔平凡，好似天婦羅就要用油炸方法，將新鮮時令海魚、蝦等食材原味，鎖晒喺炸漿內；豬肉就要用日式惹味薑燒汁煎封，香味級數即時提升。簡單食材，超凡味道，趙師傅仲會分享煮呢2款菜式嘅心得，絕對不容錯過！

名額只有15個，想了解更多詳情，即刻上https://www.shunhingcookingcentre.hk/報名喇！