【聲明】港生活網站並無進行電話推廣活動

黛安
黛安

麥當勞歎炎夏降溫新滋味 蝦堡系列載譽歸來

發佈時間: 2019/05/24

鍾意食嘢自然想經常試新嘢!黛安聽麥當勞公關姊妹講,今日起會有「蝦堡系列」美食登場,包括「Double蝦堡」、全新「魚柳蝦堡」,夥拍人氣爆燈嘅「菠蘿蝦堡」、「滋味蝦堡」回歸,實行搞個滋味盛宴,款款都好吸引!

推出嘅時候大受好評嘅「滋味蝦堡」和「菠蘿蝦堡」終於回歸啦,黛安之前一試愛上,「滋味蝦堡」鬆軟芝麻麵包中,加入啖啖蝦肉嘅炸蝦餅,配上醒胃惹味千島醬、芥末醬同爽脆生菜,多重獨特口感,簡直令人無法抗拒!而「菠蘿蝦堡」就以鬆軟扭紋芝麻麵包,配上香脆炸蝦餅同爽脆生菜,再加入醒胃菠蘿片、蛋黃醬,味道格外清爽!仲有「Double蝦堡」,兩塊炸蝦餅將滋味和滿足Double升級!姊妹話,多種食材都係由泰國直送,特別係彈牙蝦餅,淡淡蝦肉,非常吸引。

Double滋味又點止咁簡單,姊妹話,全新「魚柳蝦堡」會喺下月13號起推出,魚柳嚴選來自可持續發展區域嘅阿拉斯加狹鱈魚製成,魚柳外層金黃酥脆,嫩滑可口嘅狹鱈魚肉,配合香脆炸蝦餅同滋味蛋黃醬,一次過畀你兩種與別不同嘅海洋滋味。

今日起,仲有啖啖香脆新鮮嘅馬鈴薯格,特別推出增量裝;仲有全新「熱帶菠蘿特飲」,喺炎夏幫大家降降溫。但提提大家,滋味蝦堡、菠蘿蝦堡、Double蝦堡和魚柳蝦堡,供應地點不包括海洋公園、沙田馬場、跑馬地馬場麥當勞餐廳;增量裝脆薯格、脆薯格、熱帶菠蘿特飲,供應地點不包括沙田馬場、跑馬地馬場麥當勞餐廳。

熱帶菠蘿特飲

撰文: 黛安 消息特靈八卦公關
欄名: 八卦名利場