黛安
黛安

PMQ元創方「混醬」展 體驗舌尖上的自由

發佈時間: 2019/05/24

PMQ元創方「混醬」展 體驗舌尖上的自由

如果配搭食物係一種藝術,又點少得醬料呢?黛安覺得,醬係所有味道嘅精華,同食物產生咗唔少「黃金配搭」,好似蜆蚧配鯪魚球、腐乳配羊腩煲咁,就分別成為唔同地方嘅特色美食,醬料嘅故事,仲記錄咗唔少市民嘅生活片段,如果大家想了解下,就一定唔可以錯過喺PMQ元創方舉行嘅「香港混醬」展覽!

香港大街小巷內嘅小食店,唔少自創招牌菜,自製獨門秘方嘅醬料,甚至蠔油、XO醬等醬料,個個都別具特色。黛安知道,「香港混醬」品牌嘅建立,正係要體驗香港呢份舌尖上嘅自由,將坊間不同嘅獨門秘方,背後嘅人與事,按不同專題嚴選出多款醬料,整合成試食套裝,等外地遊客同港人可以有另一個更「香港」嘅選擇,一次過試到香港不同嘅代表味道。即日起至本月30號,PMQ元創方有個相關展覽,免費開放,一於齊齊去「混醬」喇!

撰文: 黛安 消息特靈八卦公關
欄名: 八卦名利場