全新社企OnBoard 支援退役運動員就業

黛安知道新世界發展執行副主席兼總經理鄭志剛，喺今年1月成立社企平台OnBoard，為香港退役運動員，提供職業支援如職業配對，令佢哋退役後，都可繼續發光發亮。

例如水球港隊前成員沈瑩，退役前為學校、球會設計同生產運動衫，佢話當初創業係想妥善分配工作同水球訓練嘅時間，2017年退役後全心投入，但因資源所限，公司事無大小都要一腳踢。兩個月前經OnBoard介紹合作夥伴同提供商業意見後，定單數量同批量，就由數十件增至數千件。

依家佢懷孕8個月，更透過平台聘請運動員做兼職員工協助營運。聽公閞姊妹講，有意創業嘅運動員，可提交同運動或社會創新相關嘅創業計劃，有專人提供顧問意見，如覺得可行和有商業潛力，將透過新世界出資，以創投基金形式支持成立初創公司。