無讀錯Channel呀

年前

跟幾個上海的年輕時尚品牌客戶晚飯。我問：「為甚麼你們都這麼喜歡陳偉霆。」她們立即雙眼發光搶答︰「William的氣質就是跟內地的很不同，很香港很帥……」「他普通話的口音很特別，又愛唱廣東歌。」

我對陳仔不存在偏愛或偏見，只是對他紅到發紫的現象很感興趣，有一種「此處不留人，自有留人處」的悲壯和迂迴。忍受了長期的白眼，誰想到忽然吸引了無數的閃閃眼，更招來綠眼紅眼？可是他命犯香港，最近一個Chanel腕錶廣告，引發一個二個抽水玩佢，笑佢港式英文、表情浮誇，也有人拉扯上中港品味矛盾，姿態很「高高在上」。

好笑咩？誰更可笑？

其實只要夠膽講、預備足、語意清晰，港式英文口音有甚麼問題？認識很多來自日本、泰國、新加坡的廣告創意人，他們以英語溝通或演講都帶有自家濃重口音，但無損他們的自信、優秀和見識。其實很多時候都是香港人笑香港人的英文，外國朋友反而認為我們都幾流利，有口音其實有幾離奇。

但既然是拍廣告，有些地方可以做得好啲仔細啲，仲要係Chanel㖭；陳仔某一兩個英文發音和停頓位實在突兀……通常明星時間畀得好少，經理人逼你快啲收貨，做導演壓力好大，明嘅，但chai chai our best啦，沒有英語專人guide住嗎？沒有重點出擊即時修正嗎？又不是一鏡到底，好多方法偷位。笑陳仔不如問導演，究竟想點？

之又咁，這正正是陳仔特有的口音，真實呈現的笑容，粉絲應該會鍾意，「好cute啊！」可能純屬商業計算。香港人，放過陳仔放過自己，不要再waste your time喇。https://youtu.be/ypHFFD8iDYU

N年前

我曾經跟一個唱得唔好、演技唔好、但命好的香港artitst合作過，唱幾句廣告歌，國語發音和個key唱了成晚都唔準，最後音樂人惟有用掩耳法搞掂。但中港台人人愛佢，自然受到廣告商追捧。係咁㗎喇。

（本欄逢周二刊登）