櫻花味荔枝雪米糍 維記同你齊齊消暑

夏天係荔枝當造嘅季節。荔枝鮮嫩多汁，清甜誘人，好多人都鍾意。黛安早幾日就有機會試咗維記新出嘅櫻花味荔枝雪米糍，真係好食到停唔到口啊！

公關姊妹同黛安講，維記牛奶新推出嘅櫻花味荔枝雪米糍兩粒裝，外層煙煙韌韌帶有櫻花味，包住內層清甜幼滑嘅荔枝味雪糕，一咬入口就散發出淡淡櫻花香氣，雙重口感一拍即合，層次豐富之餘，更加冰涼透心，絕對係消暑甜品嘅最愛之選啦。

Circle K便利店獨家發售

除咗可以原粒新鮮享用外，姊妹仲同黛安講，將荔枝汁炮製成雪糕，畀荔枝嘅香味鎖入香滑雪糕之中，食嘅時候就更加冰涼入味。提提大家，新款雪米糍已經喺Circle K便利店獨家發售喇，千祈唔好錯過呀。