陳淑蘭
陳淑蘭

腰痠骨痛與鹼片

發佈時間: 2019/06/20

腰痠骨痛與鹼片

年輕時候,一直都無服用補充劑的習慣,因為我不相信「啪」丸可以有甚麼成效。但當人到中年,踏入黃金50歲,嚴重老花、記性驟降、完全不覺有新陳代謝、肌肉痠痛,呢排仲無端端膝頭關節痛,之前睇電視廣告,見到廣告中人上落樓梯時的表情,覺得他們的演繹使唔使咁誇張?直到我終於有關節痛,先體會到他們的表情絕不浮誇!我現在只要聽到或睇到有甚麼介紹可以減輕膝頭痛,我就會去食、去用。

近期朋友介紹我食鹼片,終於令我重獲新「身」!老實講,我之前對鹼片是甚麼全無概念。朋友告訴我,這是一位德國教授介紹她吃的,她吃後發現便秘好了,胃痛少了,肌肉關節不再痠痛。她講到這一句,我對眼瞪大了!肌肉關節不痛?快快給我試試!適逢我老友在德國做展覽,秒速叫老友買來!

其實好多人話食乜片物片,都講到神乎其技,妙不可言,我都是帶着「食唔死人」的心態,一試無妨,誰知……

之前,都有聽過有關「酸性體質」和「鹼性體質」的說法,即是甚麼pH值,sorry,到今日我都搞唔清楚這是甚麼,亦沒有深究過。直至我食咗唔夠一星期鹼片後,我的腰痠、關節和背部真的不再痛,我覺得好神奇!於是去google一下有關人體內的酸鹼pH值,但睇完都覺得好複雜。

人體血液pH正常值為7.35到7.45之間,當血液pH低於6.9或高於7.7時,或身體酸性過多,便會容易疲勞、頭痛腦熱、高血壓、糖尿病、甚至是癌症等,都和人的體液偏酸有關,難怪有那麼多人屋企都裝鹼性水啦,但我仍未裝,因為貴。

既然啲乜片物片、補充劑能助我增加健康,減輕痛楚,那從今以後我的下半生就交晒畀佢哋啦!

(本欄逢周四刊登)

撰文: 陳淑蘭 樂天知命,直言無忌的電視及電台節目主持人。
欄名: 口沒遮蘭