【聲明】港生活網站並無進行電話推廣活動

沈桃
沈桃

睇大戲

發佈時間: 2019/07/08

幾年前,我陪爸媽欣賞過福陞粵劇團演出的《德齡與慈禧》,便對「粵劇」改觀。Liza姐和家英哥非常創新,竟然將何冀平的原著話劇《德齡與慈禧》改編成粵劇,講述慈禧太后跟接受過西方教育的德齡相處的故事,其中一節更以全英語演出,中西合璧,令人十分驚喜,難怪多次再演都場場爆滿!

上星期兩老得知福陞將於今年九月再做大戲,今次更在新地方西九戲曲中心大劇院演出。阿媽話今次Liza姐同家英哥會跟慈善團體做幾場專場,真有善心!另外,會再做《德齡與慈禧》,但他們要看《天仙配》,叮囑我一定一定要買到《天仙配》的門票。

何解必定要看《天仙配》?媽媽說,當年汪明荃同林家聲做《天仙配》好巴閉。Liza姐當時是電視藝員,點會想到她識做大戲,仲係同首屈一指嘅林家聲合演!那時未走到去利舞臺,就已見到宣傳廣告擺滿成條街,十分震撼!而家30幾年後佢再做,仲係同當紅粵劇名伶梁兆明合演,點可以唔睇!而且在新開幕的戲曲中心演出,一定要再睇兼趁機參觀新場館。

我已經為兩老「撲了飛」,座位已經不多了,要買就要快!

(本欄逢周一刊登)

撰文: 沈桃 好飲好食好奇之穿花蝴蝶
欄名: 中環蝴蝶