虛擬貨幣尋敵友

正所謂故事講得好，輸你唔死身體好。呢個世界有幾何咁大隻蛤乸隨街跳，若要人不知，唔好太低B，然而就算唔低B，有時故事講得太動聽太天花亂墜，聽者一知半解加少許無知與貪心，若非請君入甕，亦易淪為自投羅網，跌進圈套。

虛擬貨幣早前似有東山再起之感。比特幣兩個月升逾一倍，上月底更曾見過1.4萬美元，較其歷史高位只低約四成左右。

正如《華爾街日報》所提及，即使目前尚未能結論，虛擬貨幣潮是否已經捲土重來，但比較幾年前，近月升幅很大程度上集中於比特幣。至於其他升幅相對落後，部分較高位仍低約七至九成。

或者如部分市場人士及投資者所稱，虛擬貨幣其實從來未沉寂過，只不過是早年出現太大泡沫，需要調整之餘，亦需要一個汰弱留強過程，淘汰部份虛擬貨幣。

今年，促成比特幣漲勢，除因為其佔有率及主導地位之外，不少環球交易所以至投資銀行，已開始對虛擬貨幣漸開綠燈。除高盛，原本對比特幣極有保留的摩通，也來個180度取態改變加入市場。而令虛擬貨幣再成熱話，不得不提是fb將聯同多家合作夥伴推出Libra。

然而，虛擬貨幣的最大敵人，其實是央行，聯儲局主席鮑威爾忍無可忍忽然開腔要煞停Libra，比特幣應聲插水即可知，兩脇插刀的背後，可以再有人插你兩刀。

(本欄逢周一、三、五刊登)