花式跳繩會亞洲賽「跳」出好成績

香港學生再次為港爭光，喺國際賽事「跳」出好成績！黛安講緊嘅係香港花式跳繩會，上星期剛剛喺泰國舉行嘅「Asian Continental Rope Skipping Championship」，香港花式跳繩會人隊員總共就攞到10金、11銀、16銅嘅驕人成績，認真可喜可賀。

黛安聽帶隊嘅教練講，今次比賽有韓國、印度、新加坡及菲律賓等9個國家嘅選手參加，可謂高手雲集，香港隊就派出22名跳繩運動員，年齡最細運動員係10歲嘅談琛。原來呢位小健將係首位華人花式世界冠軍周永樂嘅師弟，佢將師兄對花式跳繩獨特技巧發揮得淋漓盡致，以10歲之齡就勇奪「Junior Male Master」組別花式冠軍！

而女子代表隊喺今屆賽事都攞到多個項目頭三甲，當中以黃樂程嘅成績最突出，佢攞到5金1銅嘅驕人成績，黛安都替佢哋開心，希望香港花式跳繩會同埋隊員，可以再接再厲繼續為港爭光。