【聲明】港生活網站並無進行電話推廣活動

黛安
黛安

設計月餅參加烹飪比賽 用心傳遞愛

發佈時間: 2019/08/15

中秋節就快到喇,黛安見到市面各種創新破格嘅月餅口味同款式愈來愈多。除咗買月餅,其實黛安都想試下親手整月餅,聽公關姊妹講,煤氣公司舉辦咗一個「團圓無距離」月餅設計和烹飪比賽,希望將溫暖和愛心傳遞畀更多人。

姊妹仲話,參賽者只要提交自己嘅月餅設計,就有機會獲選參加烹飪比賽決賽,即場製作自己設計嘅月餅,優勝者最高可獲5,000蚊現金獎。而10位入圍決賽嘅參賽者,都可以有價值600蚊嘅煤氣烹飪中心禮券。比賽同時亦歡迎親子拍檔參加,未滿11歲嘅參賽者,可以由年滿18歲嘅成人陪同,喺入圍後參加烹飪比賽決賽㗎。下星期三(21號)就截止報名喇,有興趣可於「煤氣公司Towngas」fb專頁了解詳情。

撰文: 黛安 消息特靈八卦公關
欄名: 八卦名利場