老灌湯餃美心新包裝

「老點•家•老菜」--美心加海洋公園在暑假中、下旬推出的餐飲互動，雖說老點、老菜，吃來帶幾分懷舊，卻未減Fusion新意濃。

少時喜歡吃的灌湯餃，跟今天完全不一樣，當時的湯被完好包在餃皮裏面，放在蒸籠內猶如蝦餃燒賣一樣蒸出來，乾身上桌。灌湯餃何時開始變作湯浸餃？或許後來做法具改良意義，當年灌湯餃的餃皮比較厚，置桌上，未吃已涼，且變硬，甚至裂開湯流失；浸在湯中既可保持餃皮完整、軟綿，餃內餃外湯水相互呼應，處理得宜，雙層口惠。

是次紫玉蘭將昔日製作繁複的灌湯餃再創作，調以泰國特色，名為懷舊，實則新派Fusion。原個椰皇上桌，內置鮑粒、肉粒並秘製湯液餃子，浮游於微辣冬蔭公湯，兩湯相互呼應，非常惹味且賣相一流，絕不失禮。

茶熏脆香太爺雞--另一道上心好味，細路哥時代，怎識得乜嘢好食？乜嘢點樣食？尤其老日子一般海魚如非即釣即吃，未埋岸已製成鹹魚。好笑，直至近年才得知離水即死的新鮮馬友豐油滋味。舊時一般飲宴，以魚塘養淡水魚為主。

生日有雞蛋雞髀食，童年獨愛雞。往昔大騸雞（太監雞）做的脆皮太爺雞絕對天長地久，屬不少人尤其細路哥至愛。茶香、熏雞，流行起來不過一、二十年。但雞，已無往昔雞味，飲宴遇上，頂多吃兩片燒脆兼去油的雞皮。是次茶熏脆香太爺雞，的確味美香口，食過翻尋味！

（本欄逢周三至四刊登）