陳禮恒
陳禮恒

別為宵夜餐賠上健康

發佈時間: 2019/08/16

別為宵夜餐賠上健康

識飲識食的香港人都知道,不同時段幫襯快餐店、茶餐廳的價格也不同,通常下午茶、宵夜餐最抵食。

其實戲院也是一樣,同一套戲,選擇不同時間、地區也有「海鮮價」。以前睇戲,票價是包括約10%稅項,自從90年代取消娛樂稅,票價開始變得浮動。除提供學生、長者、信用卡優惠等,從早到晚的票價亦有平有貴,逢星期二優惠日更沿用至今,目的旨在非旺場時段吸引更多觀眾。

作為精明消費者,就以旺角Cinema City朗豪坊為例,《電流戰爭》今早九時正場次只是38元,長者頭場25元;又例如今晚在九展星影匯觀看11:50pm的《小Q》,正價亦只不過承惠45元,相對現時坊間票價普遍85至115元不等,的確是便宜了一大截。

當然,一家大細甚少為慳錢等到午夜場,正如晚晚食宵夜亦未必適合每個人的脾胃。最近放了兩星期大假,每天飲食定時,每日在7:30pm前完成晚餐,加上運動量足夠,感覺整個人也輕盈了、精神了。平時放工習慣食宵夜,價錢平,但晚晚捧着肚子入睡,極不健康。別為小事抓狂,也別為宵夜賠上健康。尤其城市生病了,我們更要健康體魄。

(本欄逢周五刊登)

撰文: 陳禮恒 在戲院選擇沉默,然後用文字發聲。
欄名: 晴感戲