電腦通訊節開鑼 1折優惠買LED電視

依家呢個電子時代，人手一部電腦好平常。黛安知道，香港電腦通訊節喺今日開鑼，門票35元係比以往貴咗少少，不過，只要用電子支付買飛就會扣減番5元，等於無加過價。電腦通訊節為期4日，有非常多嘅產品可以選購，大家諗好買咩未呢？

公關姊妹同黛安講，大會今年都有搞「激安大購賞」，可以用超筍價買到電視或電腦等產品，例如有Sprout by HP桌上電腦、Philips 55'' 55PUD6172 4K超薄智能LED電視等。想買嘅朋友就要喺每日展覽開始前，去排隊攞到大會派發嘅號碼籌，每日限額200個咋。攞到籌嘅朋友要即日喺場內消費滿200元或以上，攞埋有效機印或蓋有公司印章嘅消費單據，喺12點前買先有機會買到㗎。雖然過程有啲漫長，而且數量有限，不過部分優惠價低至1折，價錢好吸引啊。

鍾意電競嘅朋友，今次展覽亦都有好多大家熟悉嘅牌子，好似Logitech、Acer、Dell等會推出唔同優惠，例如Logitech就有唔少產品會低至55折。另外，仲有幸運大抽獎，有過百款獎品可以抽獎㗎。