【聲明】港生活網站並無進行電話推廣活動

黛安
黛安

「捐山窿」公園 邊玩邊了解中西區

發佈時間: 2019/08/26

「捐山窿」公園 邊玩邊了解中西區

中西區其實有好多活動,好似第13屆中西區區節咁,就舉辦咗連串精采活動。黛安聽聞,新落成、噚日開幕嘅「捐山窿」公園,係以70年代俗稱「捐山窿」嘅渠管遊戲為主題設計,等大家可以玩下「捐山窿」緬懷一番,渠管第一個月會以「香港電影」為主題,將20套經典電影嘅剪影放喺渠管內做推廣。

公園隔籬嘅「貨櫃」美術創客館則分別以「衣服」、「文字」、「玩具」及「建築」主題做展覽,用紙箱等生活素材去整衫、建築模型等。仲有社區學堂每個周日都會開課,呢個「社區Sunday School」全年課程分12大主題,包括街道藝術、香港歷史等,等大家可以更認識社區。

中西區區議會主席暨第13屆中西區區節統籌委員會主席葉永成話,「捐山窿公園」親子遊樂設施會為市民提供具創意又好玩嘅空間。

撰文: 黛安 消息特靈八卦公關
欄名: 八卦名利場