【聲明】港生活網站並無進行電話推廣活動

黛安
黛安

活用社交媒體推廣 房協獲金獎嘉許

發佈時間: 2019/09/04

房協成立超過70周年,近年更積極以貼地方式加強同持份者溝通,黛安知道房協嘅社交媒體策略和方案喺「PR Awards 2019」中,榮獲「最佳社交媒體運用組別」金獎,認真可喜可賀!

聽公關姊妹講,房協近年積極透過社交媒體同居民、商戶和公眾等唔同持份者溝通同交流,2017年就推出咗fb專頁「房協人‧情‧味」,除咗文字資訊,亦透過活動直播、精采相片,同埋由「網紅」、房協職員、管理層或轄下出租屋邨居民粉墨登場,拍攝人情味短片,將房協嘅項目、服務、政策,同日常生活小百科帶畀大家。居民同公眾仲不時利用呢個平台提供意見或查詢。

今屆PR Awards收到400幾份參賽案例,能夠脫穎而出認真唔簡單。房協副行政總裁陳欽勉話,房協一直致力與時並進,發揮房屋實驗室嘅角色,希望更多年輕受眾認識房協嘅工作。

撰文: 黛安 消息特靈八卦公關
欄名: 八卦名利場