【聲明】港生活網站並無進行電話推廣活動

黛安
黛安

參與關注兒童慈善跑 支持聯合國援助工作

發佈時間: 2019/09/06

近年唔少人愛上跑步,除咗個人興趣之外,我哋更可以「為兒童跑」!黛安知道,聯合國兒童基金香港委員會(UNICEF)11月24日將於香港迪士尼樂園度假區同欣澳舉行「為兒童跑」活動,為組織嘅全球抗愛滋工作籌款,以創新科技改變婦女同兒童嘅生命,現已接受報名喇!

「為兒童跑」可以話係全港最大規模嘅慈善公路長跑賽之一,過去13屆累計參加者已超過13萬人喇。今年比賽設有半馬拉松、10公里、5公里,以及專畀少年同親子參加嘅3公里等多項賽事,歡迎個人、家庭、企業或學界跑手參與。今年仲新推出咗升級手機版網上籌款平台,增設影片、相片同文字等多媒體資訊上載功能。

公關姊妹仲話,今年活動有唔少驚喜,其中只要跑手成功開設專頁,並收取至少一筆捐款,即可免費獲得印有自己名嘅「個人跑手布」。而個人組、親子組,及支持者組3個組別中,網上籌款金額最高嘅「榜首獎」得獎者,分別可獲3萬「亞洲萬里通」里數。咁吸引,姊妹們一於快啲報名啦!

撰文: 黛安 消息特靈八卦公關
欄名: 八卦名利場