慶祝人類登月50周年 長沙IFS×NASA推型格月餅

九龍倉置業旗下嘅長沙IFS開幕1年，已經成為華中地標，黛安早前就收到九倉公關姊妹送嘅月餅，包裝非常型格和精緻，類似一個工具箱設計，原來係長沙IFS x NASA限量版月餅，個個見到都爭住睇。

長沙IFS係內地規模最大嘅國際金融中心，單係商場面積已達24萬平方米，相當於香港海港城加埋時代廣場咁大。聽公關姊妹講，今年適逢係人類首次登陸月球50周年，下個星期就係中秋節，長沙IFS就喺今個月6日至10月7日舉辦月光星話活動，其中有KAWS雕塑、雕塑花園、互動屏、藝術廊等等，呈現一場太空漫遊盛宴。

呢盒咁型格嘅月餅，如果想要，就要去IFS消費滿25,888元人民幣，就可以帶返屋企喇！