【聲明】港生活網站並無進行電話推廣活動

黛安
黛安

秋季帆船賽 400華洋好手雲集較量

發佈時間: 2019/09/09

上個星期六陽光普照,適逢當日香港遊艇會主辦嘅「秋季帆船賽」開鑼,接近400位華洋帆船運動員雲集維港,同場較量之餘,仲慶祝喺維港舉行賽事170周年紀念,噚日就迎來次場和尾場賽事,結果都出爐喇!

黛安知道,「秋季帆船賽」設3場賽事,上周六係首場,次場及尾場賽事就喺噚日展開,3場賽事嘅賽道均喺維港以東海面進行,參賽船隊以紅磡對出海域做起點,經太古城後繞圈3次再折返衝綫。姊妹話,噚日就係每小時約31至40公里嘅風速下迎來次場和尾場賽事。

總結兩日嘅3場賽事,由帆船界「大師兄」黃世文帶領嘅「飛龍II號」榮獲組別冠軍;資深銀髮族帆船好手關國華帶領嘅「Boss Hogg號」喺組別排名第5,另一艘香港代表「鳳凰號」就喺大船組別榮獲第3。賽船年資有36年經驗嘅黃世文話,雖然曾經踏足多國參加國際性賽事,但對維港卻有一份情意結。

撰文: 黛安 消息特靈八卦公關
欄名: 八卦名利場