新世界支援平台 助初創拓業務

黛安最近收到風，2017年由新世界發展執行副主席兼總經理鄭志剛（Adrian）創立嘅支援初創平台Eureka Nova，近日同日本瑞穗銀行首度合作，推出「Mizuho Crowd Brain加速計劃」，主力孵化中港兩地嘅金融和文化科技初創企業，幫助佢哋衝出大中華，拓展亞洲區市場。

聽公關姊妹講，今次計劃會選拔香港、內地和亞洲嘅優秀初創團隊作重點培訓，主題係金融科技和文化科技。參加「Mizuho Crowd Brain加速計劃」獲選嘅初創團隊，可免費使用Victoria Dockside內嘅K11 Atelier，同時會喺10月中開始，接受為期6個月重點培訓課程，新世界、瑞穗銀行和一眾合作夥伴會提供專題培訓、行業專家指導等，更有機會同日本知名企業探討業務合作。提提大家，計劃已開始接受報名，本周日（15號）就截止喇。