TechLife概念店 登陸K11 MUSEA

科技愈嚟愈發達，各位潮人當然要緊貼市場！黛安聽聞，豐澤滙聚本地原創及全球最新、最潮、最好玩智能生活潮物嘅TechLife by fortress概念店，現已登陸尖沙咀K11 MUSEA，將科技融入生活細節，仲會以「科技領域」為主題，比喻科技如熱帶雨林般繁盛茂密，充滿無限可能性同驚喜。

新店內最搶眼嘅布置，一定唔少得門面嘅「森林牆」，滿布樹葉嘅設計，配上搶眼奪目嘅「Life is a #TechVenture」霓虹燈飾打卡位，令人恍如置身茂密森林，仲聯繫科技（Tech）同探索（Adventure），用嚟打卡影相夠有型。

此外，即日起至10月31號，只要去TechLife K11 MUSEA同新城市廣場店，玩小遊戲尋找森林萌友馬騮仔、樹哥兒，再同TechLife動物店長合照，就可獲取高達1,000元購物折扣嘅終極寶藏，再上載同動物店長嘅合照到個人Instagram，仲有機會隨意揀選一件TechLife產品作為獎品，大家快啲約埋老友去shopping兼打卡喇！