【聲明】港生活網站並無進行電話推廣活動

黛安
黛安

慶祝80周年 設8大雕像 蝙蝠俠現身The ONE

發佈時間: 2019/09/12

黛安係超級英雄電影粉絲,套套都唔會錯過,今年係蝙蝠俠誕生80周年,世界各地都有好多慶祝活動,包括香港,聽講DC同華納兄弟為香港慶祝活動加碼,會喺尖沙咀The ONE擺設大型互動展覽,一定要去啊!

展出經典漫畫封面及珍品

堪稱DC漫畫中最具人氣嘅英雄「蝙蝠俠」,1939年初次登場係《偵探漫畫》(Detective Comic)第27期,從此顛覆咗成個漫畫產業。由漫畫英雄一躍成為橫跨電視劇、動畫、電影、電子遊戲嘅「黑夜之神」,造就數之不盡嘅震撼經典動作場面,正義形象深入民心。

聽公關姊妹講,The ONE由即日起至9月22號呈獻《蝙蝠俠80周年經典傳奇@The ONE》,參照蝙蝠俠喺動畫、電影同電子遊戲中最具代表性嘅經典造型做藍本,邀請到雕塑藝術家Keo W.重頭鉅製8大雕塑級1︰1比例「蝙蝠俠」和「羅賓」雕像,當中仲有多個造型嘅雕像,係亞洲首次曝光!

The ONE L3樓層仲會展出近百件蝙蝠俠珍品,同漫畫封面與名畫復刻Limited Print Edition。

同場仲會有兩間期間限定店,獨家發售多款全新型格設計精品;限定禮品消費禮遇潮換The ONE x「蝙蝠俠」80周年獨家禮品,包括「BATMAN Mug環保摺疊隨行杯」同「蝙蝠俠旅行戰袋」;「蝙蝠俠型格『俠』照館」仲可以免費同限定蝙蝠俠造型自拍打卡;「蝙蝠俠之俠影搜集」只需要喺場內集齊4款唔同嘅「蝙蝠俠」電子襟章,就可免費獲得獎賞,機會千載難逢。

大家一齊嚟The ONE感受「蝙蝠俠」80周年香港慶典嘅強大氣場啦!

撰文: 黛安 消息特靈八卦公關
欄名: 八卦名利場