儒商的創業歷程

發佈時間: 2019/10/03

儒商的創業歷程

近來寫的詩都太鬱悶了,不如和大家分享陽光洗衣兩位創辦人的創業歷程,換換心情。

「為仁由己Ringo Wong,立己達人Apple Kong。信守商道即儒道,致使香港遍陽光。回首廿年來時路,一半風霜一半浪。人到中年方發願,代人洗衫將業創。白手興家銀根缺,由零開始頗淒涼。小店唔夠一百呎,員工只係夫妻檔。搵客冧客周圍撲,取衣送衣兼洗燙。兩腳踏遍十八區,雙肩揹起百幾磅。日未出時便開舖,月高升後還在忙。夜靜更深人疲倦,執手互勉志更昂。

「艱苦經營已數載,不見起色費思量。與其苦守等運到,不如背水戰一場。賣樓借債開分店,跟手起埋洗衣場。天道酬勤更酬勇,業績初見向上揚。打鐵趁熱繼續搏,聲譽漸起名漸響。

「豈料身體非鐵打,早年預支今要償。Ringo手術要住院,多年假期一次放。記掛工作又怕悶,帶埋書籍入病房。Apple公私兩頭騰,又管業務又煲湯。有勇有謀有責任,重情重愛重老公。老公亦都唔輕鬆,睇書睇到眼都矇。特許經營如何做?睇完本書竹在胸。塞翁失馬原是福,病虎康復勝猛龍。

「特許經營創佳績,自動洗衣攀高峰。錢多未會輕公義,發達依然記初衷。同業尊嚴挺身護,成立協會互相幫。仁施貧弱捐善款,義助障殘打好工。亦商亦儒亦俠侶,塵世人中真龍鳳。為仁由己Ringo Wong,立己達人Apple Kong。千帆過盡情不盡,執手相看夕陽紅。」

(本欄隔周四刊登)

撰文: 陳葒 「陳校長免費補習天地」創辦人‧前中學校長‧青少年及兒童文學作家
欄名: 道是無晴