ifc「滋味同行」禮遇 甜品飲品買一送一

話咁快踏入初秋，係咪Feel到乾燥嘅感覺呢？又係時候要食番啲甜品滋潤下喇！黛安知道，中環ifc商場由今個星期五（18日）起，將會有個「滋味同行」限時禮遇，一系列特選甜品同飲品「買一送一」，一於同摯愛、閨密一齊共享雙倍甜蜜滋味！

黛安知道，今次呢個「滋味同行」限時禮遇，由本周五起至11月10日期間，逢星期五、六、日下午3至6點提供，每日首300名訪客即可享精選4家ifc商場店舖嘅特色甜品同飲品「買一送一」優惠！

當中嘅精選甜品包括：法國皇室御用品牌Dalloyau帶來嘅香濃幼滑玫瑰同榛子軟雪糕；頂級比利時巧克力品牌Godiva Chocolatier嘅王牌黑巧克力軟雪糕；偏好清爽口味嘅話，亦有Yo Mama嘅清新幼滑乳酪；仲有多款由sugarfina出品嘅特色冷熱飲品等，將會輪流推出指定「買一送一」優惠，總有一款啱口味！