7-Eleven推「一口價」 $10即歎點心熱食日式包

今時今日10蚊可以食到乜？黛安收到風，知道今日起7-Eleven推出「$10一口價」，包括全日供應7-SIGNATURE點心、期間限定早餐組合、下午2時起供應熱賣點（Hot Shot）王牌套餐、日本直送7 PREMIUM零食等，非常吸引！

黛安成日食嘅7-SIGNATURE點心，分量適中，簡單剪開一角，放入微波爐叮一叮就食得，好味又方便。今日起，9款7-SIGNATURE人氣點心劃一「$10一口價」，包括咖喱魚蛋、魚肉燒賣、蝦肉燒賣、叉燒包、奶黃馬拉卷、蝦餃、小籠包、牛肉球、潮州粉果，一定要買啊！

姊妹仲話，連Hot Shot熱賣點嘅多款熱食，包括勁受歡迎嘅王牌咖喱魚蛋、燒賣和撈麵，都首度推出Hot Shot熱賣點$10套餐，每日下午2點起，「$10一口價」就歎到5粒咖喱魚蛋或5粒燒賣或一份香蒜撈麵，加一杯熱飲（凍飲加$3），想點歎就點歎！

另7-SIGNATURE日式包裝麵包，由今日早上7點起至下星期二（22號）購買任何1款，即送果汁先生蘋果汁360毫升。7-SIGNATURE日式包裝麵包選用100%日本麵粉，以日式烘焙技術製成鬆軟富彈性嘅麵包，由鹹包至甜包都好好味，包括吞拿魚包、日式咖喱牛肉包、富良野蜜瓜包、朱古力白玉包、芝士包、五色豆包，放入微波爐叮一叮仲更加好食。