【聲明】港生活網站並無進行電話推廣活動

黛安
黛安

大館活化成功 奪文化遺產保護獎

發佈時間: 2019/10/16

香港嘅古迹活化保育拎咗獎!黛安知道,大館早幾日榮獲本年度聯合國教科文組織亞太區文化遺產保護獎卓越獎項,大館呢個歷史建築群包括3項法定古迹,分別係前中區警署、中央裁判司署同域多利監獄,共16幢歷史建築物同戶外空間;新增嘅國際級美術館同綜藝館就配合場地活化再用興建。

由國際保育專家組成嘅評審團仲讚大館嘅保育技術質量達國際標準,為文物保育訂下新指標。馬會主席周永健博士話,呢個殊榮肯定咗馬會過去10年為保育中區警署建築群,並活化做大館嘅心血同努力。黛安次次去都覺得好宏偉,大家得閒可以去感受下大館嘅魅力。

撰文: 黛安 消息特靈八卦公關
欄名: 八卦名利場