黛安
黛安

坐電車學陶藝 體驗城市文化遊

發佈時間: 2019/10/18

坐電車學陶藝 體驗城市文化遊

「搭叮叮」係香港特色,當加埋藝術,相信更吸引文青打卡同影相。最近聖雅各福群會康復服務陶藝工作室「藝想」,就獲政府「藝能發展資助計劃」資助,進行為期兩年嘅藝術項目《我們的故事—陶塑記憶》。

呢個項目係由著名陶藝家羅士廉策展,邀請咗15位來自不同專業範疇人士,聯同15位藝想嘅復康人士,一齊創作陶瓷作品。現推出「我們的叮叮遊記」,陶藝主題電車設置一個1.5米嘅陶瓷電車司機,車上有兩位巨型薯蛋人乘客同約100件陶瓷創作品。

公關姊妹話,作品包括來自負責復修藍屋建築師謝錦榮,分別喺利東街、梳士巴利道同油塘港鐵站展示大型陶瓷雕塑嘅陶藝家李慧嫻等。市民坐上呢架獨一無二嘅陶藝主題電車,一方面欣賞藝術創作者嘅陶瓷作品,同時可以喺師傅仔帶領下體驗製作陶瓷嘅樂趣。由今日(18日)至今個月29日,有得玩,有得睇,仲有故事聽,費用全免,市民可預先上網http://bit.ly/2koAqZG登記報名。

撰文: 黛安 消息特靈八卦公關
欄名: 八卦名利場