天際100港人專享優惠 $499歎海景下午茶

黛安最鍾意搜羅各式優惠介紹畀朋友，好似天際100香港觀景台由即日起至下月30日，就會推出「秋日驚喜3•2•1限時優惠」3款唔同優惠折扣，包括港人專享「$189三人遊」優惠，平均每個人嘅門票只需63元；仲有二人同行499元歎下午茶等，可以望住海景歎美食，真係好正啊！

公關姊妹話，天際100今次推出嘅優惠非常吸引，例如「$189三人遊」，只要喺優惠期去一樓票務大堂出示香港居民身份證，即可用189元超抵價買到3張標準門票，變相係原價33折。而額外嘅同行親友亦可以優惠價70元買到門票，仲可以免費暢玩360 VR，等你喺虛擬世界感受海拔393米高嘅飛行體驗。

除咗睇靚景外，Café 100 by The Ritz-Carlton Hong Kong仲會推出「Fall in Love二人下午茶」，設計出8款以南瓜、栗子等秋季食材製成嘅精緻鹹甜點，例如蜂蜜南瓜忌廉芝士開心果撻、威士忌栗子朱古力杯等，2人優惠套票只係499元，當中已包括天際100標準門票兩張同兩位用嘅下午茶，真係超值啦。

如果想一個人靜靜地，優惠期間仲有「Drink On Us」優惠，以正價188元買一張成人標準門票，天際100即送你一杯迎賓飲品，等你望住海景輕嘗淺酌，咁吸引，黛安都打算約埋姊妹去呀。詳情可以去官網www.sky100.com.hk睇下詳情。