黛安
黛安

設計城市健步路綫 鼓勵老友記齊運動

發佈時間: 2019/10/22

設計城市健步路綫 鼓勵老友記齊運動

黛安平日好關心長輩嘅健康,聽公關姊妹講,基督教家庭服務中心獲得賽馬會慈善信託基金捐助,早前推行咗為期15個月計劃「賽馬會齡活城市計劃︰躍動香港健步行」,鼓勵老友記行多啲、健康啲。計劃早於8月開始,至到明年10月,計劃招募各區長者設計12條健步行路綫,培訓超過50名Walk Leader,仲會定期帶領長者步行。

公關姊妹同黛安講,呢個計劃仲會設立健步行小組,組織無運動習慣嘅老友記去步行。此外,全港健步行路綫將會製成手機應用程式及地區路綫指南,推廣各路綫同健康資訊。大家都知多做運動身體好,所以黛安都打算推介畀家中長輩呀,如果姊妹們有長者朋友,一定要推介佢哋參加啦。

撰文: 黛安 消息特靈八卦公關
欄名: 八卦名利場