文華東方酒店「走塑」 全面停用即棄產品

支持環保，人人有責！黛安放假時都會約埋好姊妹去酒店High Tea，最近知道文華東方酒店集團為咗實踐可持續發展嘅承諾，將會喺2021年3月前，全面棄用即棄塑膠產品，計劃係覆蓋各酒店所有範圍，唔單止係招待賓客嘅地方㗎。

文華東方酒店集團行政總裁James Riley話，塑膠廢料係現時地球上最嚴重嘅環境問題之一，所以集團旗下所有酒店將全面停用一次性塑膠產品。James Rile仲話，集團之前進行咗一次全面庫存盤點，搵出23項最常用嘅即棄塑膠產品，至今86%嘅酒店塑膠產品已被淘汰或逐步取替；而所有酒店都訂立咗明確嘅年度目標，達致全面停用即棄塑膠製品，仲會每6個月發表一次工作進度報告9，咁有心，黛安真係要畀個讚佢哋呀！