日本小顏美人整顏定位術

如果有人讚你︰「你面子真係大。」你會欣然接受；但如果話你︰「你塊面真係大。」嘩！咁就非常難受了！

大面其中原因乃骨頭的狀態，對外觀絕對有影響。近年研究得知，骨頭愈年輕、健康的人，肌膚就愈有光澤，外表也顯得更加年輕。

2011年時，美國耶魯大學的研究團隊，便以停經後三年內的50歲左右女性、共114人為對象，調查骨質密度與臉部和頸部等11處部位的肌膚狀態之間的關係，並發表了研究報告。結果顯示，骨質密度愈高的人，肌膚就愈有彈性；相反，骨質密度低的人，許多肌膚都缺乏彈性、有皺紋變多的情況。

小顏美人整顏定位術，近十幾年來是日本流行的女性美顏、整顏矯正及瘦小臉的新技術！他們透過專業美顏師的精湛手技及經驗，用定位術按摩手技，以人體骨骼學、解剖學、人體力學、循環免疫學為理論基礎，依據頭骨縫隙的組合及位置走向原理，由美顏師通過按摩推拿，讓肌肉及骨頭放鬆調整定位，把頭骨間的縫隙變小，使五官對稱及定位，讓臉部五官呈現自然、和諧及漂亮的顏值！

小顏整顏定位術是純以按摩手技進行整顏的方法，是一種非侵入性，不痛，亦毋須復元休養期，便能達到改變臉部肌肉、輪廓綫條及矯正臉部骨頭高低不同、歪斜或大小不對稱之效果。

我上次去大阪，就是順便試下呢樣技術。結果做完後自己摸下塊面，又真係好似提升咗，塊面細咗，唔係剩係我自以為是，朋友見到我都係咁話。

做呢個小顏定位按摩過程用了50分鐘左右，花了大約1,200港元，大約細咗四日左右，值唔值，見仁見智。因此我認為最有效最快同最便宜嘅小顏技術，必選美圖瘦瘦「P圖」執相技術莫屬！

（本欄逢周四刊登）