新城市3重獎賞優惠 一田福袋送「沙田友」

踏入秋冬，又係轉季血拼嘅日子，商場有優惠就最理想啦！黛安收到風，沙田新城市廣場即日起率先推出「3重喜悅3重賞」推廣優惠，美粧產品低至2折、童裝3折、鞋履服飾亦有半價；唔少商戶仲合計贈送超過1,000件美粧產品同禮券，仲有Longines獨家潛水腕表、限定龍貓下雨天迷你立體場景擺設等會場獨家限定發售產品，非常吸引。

話明「3重賞」，又點止咁少優惠呢？黛安知道，新城市廣場即日起至17日期間，將大派3,000個價值達300蚊嘅一田美食福袋畀各位「沙田友」，入面齊集撈麵、薯條等零食，仲有商場商戶優惠券！本月26號前喺商場以即日電子貨幣消費滿指定金額，仲可以換領高達港幣1,300蚊現金券，獲享30%回贈優惠；另外去餐廳食肆以電子貨幣任何消費，亦可獲贈2張1小時免費泊車優惠券！簡直驚喜連連，快快一齊行動喇！