讓時間做見證

1星期前

本來約了創意課的學生到沙田文化博物館參觀又一山人嘅《時間的見證》展覽，他也樂意跟大家見個面傾下偈；只是現在真係呢分鐘唔知下分鐘嘅事，大學宣布這學期最後兩周停課，因為交通問題和安全理由……惟有臨時取消。

幸好這展覽至2020年3月才做完，還是可以睇情況各自去參觀。點解值得睇？因為見證了一個香港創作人40年的跨媒體作品和思想歷程，有廣告、電影、藝術……他的「紅白藍」，他的「冇照跳」……整個journey也是一種藝術體驗，場館恍如未完工的貨倉設計、結構性很有趣的作品放置、滲透耳的龔志成音樂、展場入口的打卡機……

其實我最想學生學會的，不只是又一山人的創造力或其成功的bright side，而是其巨大的魄力和毅力，還有勤力。環境變，心境和思想也隨之而evolve，每個人都需要誠實地面對自己，畀啲信心好好向前行。

3天前

恍如戒嚴的日子，仍然一早出中環捧好友G小姐的場，支持下佢負責嘅催眠治療、Psych-K減壓工作坊。究竟咩咁值得佢全心投入學習並加以實踐？真的好想認真了解一下，亦可能幫到有需要嘅人。交通的確不便，個個站都關閉，隧道又不通……轉車轉來轉去才可到達……so what？完了workshop再去嘉咸街NOC飲杯咖啡傾多陣，睇下咩情況先再搵路走。https://www.innerlight.me/。

我仍然會晚上到灣仔跟好友飯聚，因為有人急需傾下偈、鼓個勵。近碼頭一帶平靜啲、近高速公路，各人又易走啲……早些開飯早些散，應該安心啲。Amarone 2014 Sartori、Gosset的Grand Blanc de Blanc，鴻星佐酒小食脆脆銀魚花生、鹹蛋黃九肚魚……最後傾到10點才散局，好彩仲有的士。

除了憤怒和無力感、除了unfriend和離開群組，好朋友還是要見，屋企人仍然要錫，自己必須相信總有路行。

（本欄逢周二刊登）