放下面子活得自在

前一期我講面骨，上一期我講瘦面，唔好比面面俱「完」；今期我有頭有尾，繼續有頭有面。俗語說︰「死要面子活受罪。」「人爭一口氣，佛爭一炷香。」要面子，會造成心裏有包袱，你愈在意，它愈沉重。愛面子是為了掩蓋心裏的脆弱。你同意嗎？

網上有一則智慧語錄，好似是李嘉誠講的︰當你放下面子賺錢的時候，說明你已經懂事了。當你用錢賺回面子的時候，說明你已經成功了。當你用面子可以賺錢的時候，說明你已經是大人物了。當你還停留在喺嗰度同人飲酒、胡亂吹牛，唔識喺度扮識，只愛充撑所謂面子嘅時候，說明你呢輩子就係咁樣了。其實即係話，當我哋懂得放下面子嘅時候，我哋先可以真正的面對自己。

生活對每個人來說都是不容易的。心理學發現，愈是愛面子的人，愈有防衞心理。好多人以為面子係靠自己畀，因為害怕無面子，

對於好多唔識嘅嘢亦害怕話畀人知自己唔識，卻不知道咁樣會錯失咗自己最好嘅成長機會。孔子曾話過︰知之為知之，不知為不知，是為智者。一個人只有肯真實面對自己，並了解自己到底有幾大本事，先會知道面子其實並不重要，現實生活的真相先最重要。

好多人被面子蒙蔽咗雙眼，就係因為我哋用面子嘅無知阻礙我哋獲得有知。

生活中，我哋睇到好多人都係活畀人哋睇嘅。喺別人睇唔到嘅時候自己吃苦，虐待自己。這就是那種需要從外在來尋求身份認同感的人，做呢種人注定過得相當辛苦，很難得到真正的快樂。所以能夠真係放下面子嘅人，先至係最有力量嘅人。

所以話面真係人哋畀，感覺絕對係自己deal的！

（本欄逢周四刊登）