全綫一田賀年食品節 買珍品海味掃賀年禮盒

平日返工咁忙，要抽身辦年貨真係唔容易，黛安收到風，一田由即日起至1月28日有「金鼠迎福．一田賀年食品節」，全綫12間一田超市搜羅咗好多珍品海味、賀年禮盒等，方便去掃貨。

公關姊妹介紹，「十大海味品牌」參茸海味街會主打養生花膠，有大團圓挪威花膠、好東西鴨泡肚等，而「卡通萌友」就有賀年旬果揀；想買食材煮團年飯，可以去「環球珍寶海鮮」買到特大1-2頭澳洲青邊鮑、XXL美國螺頭等。至於「和風手信系列」就帶嚟回味x中村藤吉茶味濃蛋卷、日本洋菓子店RUYSDAEL鼠年限定別致禮盒等。

一田仲夥恒生信用卡推優惠，由1月17日至23日，恒生卡客戶經DORI成功登記優惠，喺一田百貨、一田超市及特別展銷場單一簽帳淨值滿500元或以上，以實體恒生信用卡付款，可換領30元一田現金券乙張。