【聲明】港生活網站並無進行電話推廣活動

黛安
黛安

綠領行動籲重用利市封 實踐環保減砍伐樹木

發佈時間: 2020/02/07

聽日(8日)就係農曆正月十五,唔知大家拆咗利市未?黛安一直好支持重用利市封,環保團體綠領行動連續第11年舉辦嘅「利市封回收重用大行動」已經開始咗,仲獲得87間機構支持,希望能回收超過1,000萬個利市封重用。

綠領行動總幹事何漢威同黛安講,過去一年全球發生好多災害,大自然環境同野生動物受到嚴重威脅,希望大家學會尊重自然生態系統,減少砍伐樹木,從回收利市封等細節實踐。

何漢威話,由即日起至2月19日,港九新界達362個商場、個人護理產品店、屋苑、銀行設置利市封收集箱。現時「武漢肺炎」肆虐,針對機構及市民關注利市封回收嘅衞生問題,佢哋亦特別向各參與機構發出指引,以減少大家的擔心。呢個活動咁有意義,大家一定要支持呀!

撰文: 黛安 消息特靈八卦公關
欄名: 八卦名利場