【聲明】港生活網站並無進行電話推廣活動

黛安
黛安

明愛夥「醫護行者」助市民抗疫 動手製可放濾芯布口罩

發佈時間: 2020/02/12

在武漢肺炎疫情下,好多物資都短缺,唔少朋友都要通宵達旦排隊買口罩,甚至要一個口罩用幾日,黛安睇到都好心痛。聽公關姊妹講,明愛社區發展服務早前透過喺社區集齊多位車縫嘅高手,設計出可放濾芯嘅布口罩,仲準備咗教學短片同紙樣畀大家齊齊自製口罩,好有心啊!

最近呢個月,相信唔少香港人都好緊張,日日都忙住出去排隊買口罩、消毒用品等,有啲朋友甚至為咗慳住用,可能會將一個口罩重用好幾日,甚至唔敢出街等,令身心都好疲累。

幸好我哋嘅社區有唔少臥虎藏龍嘅人士,黛安知道,明愛社區發展服務早前喺社區搵咗一大班識車縫嘅朋友,再同非政府組織「醫護行者」合作,請來主席范寧醫生,以及來自台灣嘅陳冠廷醫生擔任顧問,一齊落手落腳設計同製作出可放濾芯嘅布口罩,同市民齊齊抗疫,希望紓緩社區人士因為口罩不足造成嘅情緒困擾。兩位專業醫生仲畀咗唔少寶貴意見!

明愛仲製作咗條教學短片,由「醫護行者」護士阿STAN、明愛社工阿卿、社區內車縫達人桂梅同Ivy,詳細介紹點樣製作及正確使用布口罩,佢哋仲準備咗口罩紙樣公開畀大家下載使用,大家可以睇住短片自學,一齊發揮社區活力同互助精神,快啲同朋友開心share啦!大家可去以下連結https://drive.google.com/open?id=1zcnb4DBC79XQvQBcdtl9mBvy2dAjTrhw,睇教學同紙樣呀。

製作布口罩材料

‧A4紙︰摺成3份,取2/3張紙用

‧布

‧橡筋

‧鐵綫/電綫

*布口罩需要每日清洗*

撰文: 黛安 消息特靈八卦公關
欄名: 八卦名利場