【聲明】港生活網站並無進行電話推廣活動

楊美儀
楊美儀

肥得有道理

發佈時間: 2020/02/14

順德容桂有間名為「豬肉婆」的私房菜,以青磚、白瓦、木樑和麻石建成的大屋非常有特色。我最欣賞廚師示範炸煎堆,看到那些像排球一樣大的煎堆在油鑊上翻騰打轉,有如雜技表演,令人嘆為觀止。很羨慕別人能三扒兩撥就煮到一手好菜。我不享受入廚房,過時過節會到朋友家作客。

甲︰「我都不愛入廚房的,但好彩每餐都有好嘢食。」我︰「好彩你嫁了個廚師,熱愛為你煮幾味。」「唔知係咪好彩呢?所以食到我咁肥!」「夫妻相啊!兩個都珠圓玉潤。」「其實我老公食好少,全部都推畀我食的,所以我被谷肥了。」「食得是福嘛!」

甲︰「我老公常說,看到我食得開心,他就開心,心滿意足喎。他就是聞到自己煮出來的美食的香味就夠喇,所以把所有他煮的,都逼我食清光囉!」我︰「那麼你就連甜品也不用食了,真係甜到漏喇!」

甲︰「我常說老公『正』過謝霆鋒,只是肥肉多一點而已。都唔明,他工作時間咁長,咁辛苦,每餐匆忙地只食半碗飯,但他就是不斷在長胖啊!」我︰「可能廚師要試菜,因工作會吃多咗。」「那麼人煮佢又煮,學做廚神的霆鋒又那麼瘦?鼎爺都好fit啫!」

我︰「記得多年前看過一篇報道,美國堪薩斯大學營養學有教授曾做過研究調查,很多廚師其實都吃得很少,但仍然很肥,原因就是烹飪時,常聞到食物的香味有直接關係。」甲驚訝地道︰「吓!聞下都會肥呀?」我︰「是的,尤其是食物含有澱粉的油膩食物的香味,那種香味會刺激體內腺體,促進了脂肪增生,這就是為何廚師都肥胖的真正原因。」

甲︰「我明喇!正因為我老公煮的食物太香、太美味,他聞太多自己煮嘅美食,所以才致胖,證明肥胖的才要算是真正的廚神啊!」我︰「我真係好飽喇!」甲︰「吓!你真係聞下就夠喇?你都未食就飽?」

(本欄逢周三、五刊登)

撰文: 楊美儀 美國認證專業美學家、 HerbalGram創立人、大韓民國忠清北道榮譽大使 angela@herbalgram.us
欄名: 緣來有美