【聲明】港生活網站並無進行電話推廣活動

黛安
黛安

恒隆撥千萬助抗疫 2000防疫包贈基層

發佈時間: 2020/02/17

為咗抗疫,香港有唔少企業特設抗疫基金幫助有需要人士,黛安聽到都好感動啊,好似恒隆地產早前宣布撥款人民幣1,000萬元,成立「恒隆抗疫基金」,支援香港同內地應對疫情。

恒隆地產就撥出咗首筆款項,同香港基督教女青年會合作,購置2,000套防疫及食品包,當中有口罩、消毒用品、米、食油同乾糧等等,由女青專業社工透過轄下各中心,直接派發到唔同地區等,畀最有需要嘅長者及基層家庭。而恒隆一心義工隊成員亦喺女青個別服務中心協助包裝防疫同食品包。恒隆地產行政總裁盧韋柏話,希望向最有需要嘅長者同家庭派發防疫用品及食品,以解佢哋燃眉之急,仲會繼續透過「恒隆抗疫基金」援助本港及內地有需要人士,共度時艱。

撰文: 黛安 消息特靈八卦公關
欄名: 八卦名利場