資源分享平台 良心價賣日本口罩

最近人人忙住「撲口罩」，加上好多店舖將口罩價炒貴，令小市民苦不堪言。公關姊妹向黛安介紹咗一個資源分享平台Me2You，佢哋搜羅到日本KESMON最高級別嘅5層口罩，仲以良心成本價10元一個出售，平台會用抽籤形式發售，等大家唔使排長龍去搶購。

Me2You今次賣嘅口罩，比一般3層口罩更具保護性，粉塵去除效率（PFE）同細菌過濾效率（BFE）分別高達99.8%同99.6%，而且1 set 20片都係獨立包裝。睇返Me2You喺fb介紹，佢哋話作為一間良心startup，所有口罩都會用成本價出售，為咗令多啲人買到，仲會採用抽籤制。平台即日起一連兩日，會喺Me2You App以購買券抽籤活動換購，每日2點開始抽籤，成功抽中就會用電郵通知以QR code領取，想買就快啲下載Me2You喇！