【聲明】港生活網站並無進行電話推廣活動

黛安
黛安

助學生停課不停學 初創推直播教學

發佈時間: 2020/02/19

受疫情影響,唔少學生都要停課,準備考DSE嘅中六生更加首當其衝。黛安知道,最近有初創企業開發一個全新教育直播平台「kosmic.io」,透過「娛樂加教育」嘅組合打造成「直播教室」,疫情時期會免費開放所有功能,以影片代替文字,等同學仔可在家「停課不停學」。

平台聯合創辦人吳銘軒話,所謂「娛樂」並非指令人愉快高興,而係保持用家專注教學內容,防止因為無監管而半途而廢,為咗加強趣味,直播當中都設下唔少規則,包括會利用直播觀看數字,分析學生鍾意嘅教育模式,再調整教學內容等,每次直播亦唔會多過45分鐘。佢又話,平台會對導師嘅資歷同教學內容作審核,確保唔會誤人子弟。

此外,平台仲有大學尖子坐鎮、傳統操練試卷解題等,學生可以揀最合適自己嘅「專屬導師」,緊貼特定導師分享呀。

撰文: 黛安 消息特靈八卦公關
欄名: 八卦名利場