【聲明】港生活網站並無進行電話推廣活動

黛安
黛安

「樂天心澄」推音頻資源 靜觀修習齊抗疫減壓

發佈時間: 2020/02/20

「樂天心澄」推音頻資源 靜觀修習齊抗疫減壓

面對肺炎疫症持續,好多人都覺得驚同無助,黛安知道,香港大學賽馬會「樂天心澄」靜觀校園文化行動聯同香港輔導教師協會,設計咗一個靜觀資源套《「疫」境中的靜觀空間》,助大家紓緩壓力。呢個資源套包括1本資源手冊,同埋3套靜觀修習嘅指導音頻,分別約5分鐘、10分鐘同40分鐘;各有4個音頻,總共12個。

分成3組嘅原因,係想方便大家按自己嘅需要去揀合適嘅練習。黛安了解過,如果未接觸過靜觀,可先由5、6分鐘嗰組練起,主要係靜觀伸展嘅練習,對初學者嚟講較易掌握。之後再嘗試10分鐘、40分鐘嗰組練習。每組入面嘅音頻都有編碼顯示次序,建議按次序練習。

呢個資源套係免費㗎!大家可以去呢個網址http://www.jcpanda.hk/ms2020/下載,希望大家喺疫境下都要保持正面心態。

撰文: 黛安 消息特靈八卦公關
欄名: 八卦名利場