【聲明】港生活網站並無進行電話推廣活動

陳淑蘭
陳淑蘭

多災多難的庚子鼠年

發佈時間: 2020/03/05

有句俚語云︰「有早知,無乞兒。」係真定唔係?原來有早知都會做乞兒!

2000年,我契爺已經同我講將來的人,個個出街都要戴口罩。當時我的概念是只有醫生先戴口罩,市民點會無端端出街戴口罩?當時的確有高人指點,我卻以為佢亂咁點。如果當時我早知去投資做口罩,會否幫自己開多一門生意瓣數呢?有早知,卻無知。

2019年8月左右,遇到一位國學家,話2020係庚子鼠年。每當年份運行到庚子這一年,自然災害多,突發事件頻仍,亦會發生一些震撼世界的大事。因此民間流傳着一些庚子預言、庚子之災、庚子大坎、庚子輪迴的故事(過去近千年中16個庚子年的歷史,有興趣者可以自己上網回顧)。於是國學家提點我,2020年最好以靜制動,最緊要唔好胡亂作無謂投資。結果我卻在12月尾參與一項小投資,果然敗家!有早知,依然慘敗做乞兒!

我不是叫人迷信,尤其係而家時勢,周圍有不少真假高人,絕不能完全相信他們,但亦要思考佢哋嘅說話,有些警惕畀自己。

2019年《地母經》︰己亥年,「人民多橫起」(社會運動),中咗。2020年《地母經》︰庚子年,「人民多暴卒」(疫症爆發有很多人猝死),中咗。2021的《地母經》︰辛丑年,「疾病稍紛紛」。聽很多專家講,之後這疫症細菌會不斷變化,所以我估計下年依然會有很多疾病周圍爆發,所以就算今年這個新冠肺炎能夠控制,我也會提醒自己防疫措施不能鬆懈,對待病毒不能掉以輕心,否則好易出事。

結論︰雖然由2019年開始,一直有很多難關,我依然常常提醒自己要盡量睇得開,心要放得開,希望難題可以好快解開!

(本欄逢周四刊登)

撰文: 陳淑蘭 樂天知命,直言無忌的電視及電台節目主持人。
欄名: 口沒遮蘭